WHAT’S HOT NOW

ads header

நயினாதீவு செய்திகள்

Theme images by kelvinjay. Powered by Blogger.

உள்நாட்டு செய்திகள்

சர்வதேச செய்திகள்

மரண அறிவித்தல்

எம்மைப்பற்றி

அன்பார்ந்த நயினை வாழ் உறவுகளே... அன்பார்ந்த நயினை புலம் பெயர் உறவுகளே... நயினைப் பற்றாளர்களே.... நயினை மண்ணில் இடம் பெறுகின்ற அனைத்து சமபவங்கள்,நிகழ்வுகள்,ஆலய திருவிழாக்கள் என்பவற்றின் கணணிஒளியினை எமது முகப்புத்தகத்தில் பார்வையிட முடியும்.. நம்மூரின் நிகழ்வுகளை நாளுக்கு நாள் பார்வையிட நயினை நட்சத்திரச் செய்தியுடன் இணையுங்கள். நயினை மண்ணில் இடம் பெறும் அனைத்து சிறப்பு நிகழ்வு களையும் எம் முகப்புத்தகத்தின் ஊடாக உடனுக்குடன் பார்வையிட முடியும். நன்றி. நிகழ்கால நயினைமண்ணின் நிதர்சன தேடல், நயினை நட்சத்திரச் செய்தி nainativu starnews தொடர்புக்கு - nainativustarnews@gmail.com

விஷய பூச்சி கடித்தால் இனி பயம் வேண்டாம்! இதோ பாட்டி வைத்தியம்!


நாட்டு மருத்துவமுறை பெரும்பாலும் கிராமபுறத்தில் மட்டுமே பின்பற்றப்பட்டுவருகிறது. ஆனால், ஆங்கில மருத்துவ முறையை விட நாட்டு வைத்தியம் எவ்வளவோ சிறப்பானது. நாட்டு வைத்தியத்தால் குணப்படுத்த முடியாதநோய்களே இல்லை.
நாட்டு வைத்தியம் மூலமாக பூச்சிகள் கடித்துவிட்டால் அது எந்த பூச்சி என்பதையும், அதன்நஞ்சை முறிக்கும் முறையையும் நாட்டு வைத்தியம் கூறுகிறது.

கடிகளைக் கண்டறிதல்:
> இரவில் நச்சுப்பூச்சி ஏதேனும் கடித்து விட்டால், என்ன கடித்தது என்பதை அறியாமல் மருத்துவம் செய்வது கடினம். இந்நிலையில் கடிபட்டவருக்கு ஆடு தின்னாப்பாளை என்ற செடியின் வேரைக் கொடுத்துச் சுவைக்கச் சொன்னால்,
*இனிப்புச் சுவையாக இருந்தால் கடித்தது நல்ல பாம்பு என்றும்..
*புளிப்புச் சுவையாக இருந்தால் கட்டு விரியன் பாம்பு என்றும்…
*வாய் வழவழப்பாக இருந்தால் நஞ்சு குறைந்த வழலைப்பாம்பு,
நீர் பிரட்டை போன்றவை என்றும்…

*கசப்புச் சுவையாக இருந்தால் பாம்பு வகைகள் அல்லாத வேறு பூச்சிகள் என்றும் அறிந்து உணரலாம்…
> தேள் கடி மருந்துகள்:
*எலுமிச்சைப் பழ விதைகளையும், உப்பையும் கலந்து அரைத்துக் குடித்து விட்டால் தேள் கடி நஞ்சு இறங்கி விடும்.
*கடிவாயில் எலுமிச்சைப் பழ இரசத்தையும் உப்பையும் கலந்து தடவினால் நலம் கொடுக்கும்.
*கல்லில் சில சொட்டுத் தண்ணீரை தெளித்து அதில் புளியங்கொட்டையைச் சூடு உண்டாகும் படி தேய்த்து, தேள் கடித்த இடத்தில் உடனே வைத்தால் ஒட்டிக் கொள்ளும். நஞ்சு இறங்கியதும் புளியங்கொட்டை விழுந்து விடும்.
*சிறிது நாட்டு வெல்லத் தூளுடன் கொஞ்சம் சுண்ணாம்புச் சேர்த்துச் சிறிதளவு புகையிலையையும் கலந்து நன்றாகப் பிசைந்து தேள் கடித்த இடத்தில் வைத்துக் கட்டினால் நஞ்சு இறங்கி விடும்.
*கண்ணாடி இலையின் பால் எடுத்துத் தேள் கடித்த இடத்தில் வைத்தால் நஞ்சு இறங்கும்.
*பட்டு ரோஜா (டேபிள் ரோஜா) செடியின் இலையின் நான்கை எடுத்து வெற்றிலையில் மடித்துத் தின்றால் நஞ்சு இறங்கும்.
*குப்பை மேனி இலையைப் பறித்து நன்றாக நீரில் கழுவி விட்டுப் பின்பு கசக்கிச் சாறு எடுத்துத்தேள் கடித்த இடத்தில் தடவ வேண்டும். அத்துடன் கசக்கிய இலையைக் கடிவாயில் வைத்துக் கட்டி விட்டால் நஞ்சு இறங்கும்.
சித்த மருத்துவத்தில் ஒரு பொருளை மட்டும் மருந்தாகப் பயன்படுத்தும் முறைக்கு ஒற்றை மருத்துவம் என்று பெயர்.
> நட்டுவாய்க்காலி கொட்டினால் கொப்பரைத் தேங்காயை வாயில் போட்டு மென்று தின்றால் உடன் நஞ்சு நீங்கும்.
> பூரான் கடித்தால் பனை வெல்லத்தை (கருப்பட்டி) தின்னத் தடிப்பு, அரிப்பு உடனே மாறும்.
> வெறி நாய் கடித்து விட்டால்.
நாயுருவியின் வேரும் எலுமிச்சைப் பழத்தின் விதையும் சம பாகமாகச் சேர்த்து எலுமிச்சைச்சாறுவிட்டு அரைத்து வைத்துக்கொண்டு அதில் எலுமிச்சைப் பழம் அளவிற்குக் காலையிலும் மாலையிலும் ஒரு உருண்டை வீதம் பத்து நாள் உட்கொண்டால் வெறிநாய்க்கடி குணமாகும்.
> பாம்பு கடித்து விட்டால்.
உடன் வாழை மரம் ஒன்றை அடியிலும் நுனியிலும் வெட்டி ஆறு அடி நீளத் துண்டிட்டுக் கொண்டு வரவேண்டும். பாம்புக்கடி பட்டவன் பல் கட்டி வாய் திறக்க முடியாமலிருப்பான்.
அதனால் வாழைப்பட்டையை உரித்துப் பாயாகப் பரப்பிக் கடிபட்டவனை அதில் படுக்க வைக்க வேண்டும். பின் வாழைப்பட்டைச் சாறு 1 லிட்டர் பிழியவேண்டும்.
சாறு பிழிவதற்குள் வாழைப்பட்டையில்படுக்க வைத்தவன் பல் கட்டு நீங்கி வாய் இயல்பாகத் திறக்கும். உடன் ஒரு லிட்டர் வாழைப்பட்டைச் சாறையும் பாம்புக் கடிபட்டவனைக் குடிக்கச் செய்ய வேண்டும். 15 நிமிடத்தில் பாம்புக் கடிபட்டவன் நஞ்சு நீங்கி எழுந்து நடப்பான்.
> எலி, பெருச்சாளி, மூஞ்சுறு, தேள், பூரான் போன்றவைகளின் நஞ்சை நீக்க.
நாயுருவியின் விதையை வீசும் படி எடுத்து வெய்யலில் காய வைத்துப் பொடி செய்ய வேண்டும். இந்தப் பொடியை நல்ல மூடியுள்ள பாத்திரத்தில் வைத்துக் கொள்ள வேண்டும்.
நஞ்சு நீங்கத் தேவையான காலத்தில் இந்தப் பொடியில் மூக்குப் பொடி அளவு எடுத்துத் தேனில் குழைத்துக் காலையிலும், மாலையிலும் 25 நாட்கள் சாப்பிட வேண்டும்.இப்படிச் சாப்பிட்டால் நஞ்சு நீங்கும்.
உடலுக்குள் சென்ற எந்த நஞ்சாக இருந்தாலும் வாந்தி ஏற்படுத்துவதன் மூலம் நஞ்சை வெளியேற்றலாம். வாந்தி ஏற்படுத்துவதற்கு நஞ்சிலைப் பறிச்சான் என்ற செடியின் வேருடன், தலைச்சுருளி என்ற பெரு மருந்து இலையைச் சேர்த்து நன்றாக அரைத்து எலுமிச்சைப்பழம் அளவு உருண்டை எடுத்து வெந்நீரில் கலந்து குடித்தால் உடனே வாந்தி ஏற்பட்டு அனைத்து நஞ்சும் அதன் மூலம்வெளியேறிவிடும்.
வாந்தி ஏற்பட்ட பின்பு எலுமிச்சைப் பழத்தைத் தண்ணீரில் பிழிந்து குடித்து விட்டால் நஞ்சு முறிந்து போகும். சித்த மருத்துவம் ஏராளமான மூலிகைகளை நமக்குக் கூறுகின்றது.
நஞ்சு நீக்கத்திற்கு மட்டுமன்றி, மனிதனின் அகப்புற உறுப்புக்களைத் தாக்கும் எல்லாவிதமான சிறு, பெரு நோய்களுக்கும் மருந்துண்டு…..

Nainai Son's production in சர்வமத புண்ணிய பூமி நயினாதீவின் புகழ்பாடும் "மணிபல்லவராகம்" இறுவெட்டு வெளியீடு ! ! ! 02.07.2015


அனைத்து நயினை உறவுகளுக்கு எமது அன்பான வணக்கங்களை முதற்கண் தெரிவித்துக் கொள்கின்றோம். அத்துடன் சர்வமத புண்ணிய பூமியாம் எங்கள் மணிபல்லவத்தாயின் மடியினிலே எமது முதற் படைப்பான சர்வமத புண்ணிய பூமி நயினாதீவின் வரலாற்றுப் புகழ்பாடும் "மணிபல்லவராகம்" எனும் இறுவெட்டினை நயினை ஸ்ரீ நாகபூஷணி அம்பாள் ஆலய வளாகத்தில் அமைந்துள்ள ஸ்ரீ புவனேஸ்வரி கலையரங்கில் நாளை (02.07.15 புதன் கிழமை) இரவு பெரியார்களின் ஆசிகளோடும் சர்வமதத்தலைவர்களின் முன்னிலையில் வெளியிடுவதில் பெருமகிழ்வடைகின்றோம்.
இவ் இறுவெட்டில் ஏழாற்றுப்பிரிவோரம் நால்கடலும் சூழ்ந்திருக்க அமைந்த நயினையில் இந்து ,கிறிஸ்தவம், பெளத்தம், இஸ்லாம் போன்ற மதங்கள் ஒற்றுமையும் சகோதரத்துவமும் கொண்டிருந்து அலைகடலின் இசையுடனே நாளும் நால்வேதங்கள் ஒலித்திடும் அற்புத நிகழ்வினையும் ஆபுத்திரனும் மணிமேகலையும் தொழுத மணிபல்லவத்தாயவளின் புகழினையும் அனலையிலிருந்து கடல் தாண்டிவந்து நாகம் பூச்சூடும் அதிசயத்தினையும் நயினையில் வீற்றிருந்து அருள்பாலிக்கும் ஆலயங்களினையும் ஓர் பாடல் மூலமாக வெளிக்கொணர்ந்துள்ளோம்.
இப்பாடலானது ஒளி ஒலிவடிவில் வெளிவருவது மட்டும் அன்றி எங்கள் நயினாதீவின் வரலாறுகள் அடுத்த சந்ததியினருக்கு எடுத்தியம்பும் விதமாக உருவாக்கம் பெற்றுள்ளது மிகையாகாது.
இப்பாடலுக்கான கவிவரிகளை நயினை அன்னைமகன் தொடுக்க ஈழத்தின் புகழ்பூத்த G.சத்தியன் அவர்கள் அற்புத இசை வழங்க S.கோகுலன் மற்றும் B.ஜெகனி அவர்கள் உயிரூட்டியுள்ளார்கள். இப்பாடலுக்கான ஒளியமைப்பினை நயினை மண்ணின் நாயகன் நயினை வரன் அவர்கள் மிகவும் சிறப்பாக தொடுத்துள்ளார். மேலும் இப்பாடலை வருங்கால சந்ததியினரின் கல்வி வளர்ச்சிக்கு அர்ப்பணிக்க வேண்டும் என்ற நோக்கில் Nainai Son's in தயாரிப்பில் இராஜேந்திரம் செந்தூரன், அம்பிகைபாலன் ரஜீதன், நயினை அன்னைமகன், நயினை வரன் ஆகியோரின் முழு ஒத்துழைப்போடும் தயாரிக்கப்பட்டு வெளிவருகின்றதை அன்போடு அறியத்தருகின்றோம்.


தகவல்
Nainai Son's

அத்துடன் அனைத்து அம்பிகை அடியார்களையும் இந்நிகழ்வில் கலந்து கொண்டு சிறப்பிக்குமாறு அன்புடன் கேட்டுக்கொள்கின்றார்கள் விழா ஏற்பாட்டாளர்கள். இவ் வெளியீட்டு நிகழ்வுகளை“ Naintivu star " இணையத்தினூடாக இணைந்திருந்து பார்வையிடுங்கள்.




நன்றி.
அன்னையின் பாதம்பணிந்து
நிகழ்கால நயினைமண்ணின் நிதர்சன தேடல்,
நயினை நட்சத்திரச் செய்தி,



நயினாதீவு-அரசினர் வைத்தியசாலைக்கு முதல் தடவையாக வந்திறங்கிய அம்புலன்ஸ் வாகனம் !

நயினாதீவு அரசினர் வைத்தியசாலைக்கு நீண்டகாலமாக அம்புலன்ஸ் வாகனம் வழங்கும்படி வேண்டுகோள் விடுக்கப்பட்டிருந்தது. அதன்படி இன்றைய தினம் 27.06.2014 நயினாதீவு வைத்திய சாலைக்கு வழங்கப்பட்டது.



நயினாதீவு அரசினர் வைத்தியசாலையின் பொறுப்பதிகாரி டாக்டர் சர்வானந்தா அவர்களின் விடா முயற்சியால் வெற்றியளித்துள்ளது.

இவரின் சேவை மென்மேலும் நயினாதீவு மண்ணுக்கு தொடர நயினாதீவு மக்கள் சார்பாக வாழ்த்துகின்றோம்.

படம்.Nainai M Kumaran

நன்றி.
நிகழ்கால நயினைமண்ணின் நிதர்சன தேடல்,
நயினை நட்சத்திரச் செய்தி,